ესპანეთის მეფემ პრემიერ-მინისტრ პედრო სანჩესს მთავრობის ფორმირება დაავალა, - ამის შესახებ ჟურნალისტებს ესპანეთის პარლამენტის ქვედა პალატის სპიკერმა ფრანსინა არმენგოლმა განუცხადა.
ესპანეთის მოქმედ პრემიერ-მინისტრ პედრო სანჩესს, რომელიც ესპანეთის მთავრობას 2018 წლიდან ხელმძღვანელობს, პარლამენტში საკმარისი მხარდამჭერები არ ჰყავს, რათა დამოუკიდებლად მართოს ქვეყანა.
შესაბამისად, ხელისუფლებაში დარჩენის მიზნით მას მოუწევს დახმარებისთვის ულტრამემარცხენე პარტიებს მიმართოს.
შეგახსენებთ, რომ ივლისში გამართულ ვადამდელ არჩევნებში სანჩესის „სოციალისტური პარტია“ (PSOE) მეორე ადგილზე გავიდა, ხოლო არჩევნებში ყველაზე მეტი ხმა „მემარჯვენე-ცენტრისტულმა სახალხო“ პარტიამ (PP) მიიღო. მიღებული ხმების მიუხედავად, კონსერვატორმა ლიდერმა ალბერტო ნუნეს ფეიხომ, გასულ კვირას პრემიერ-მინისტრობისთვის საჭირო პარლამენტის უმრავლესობის ხმები ვერ მოიპოვა.
თუ 27 ნოემბრამდე ვერცერთი კანდიდატი ვერ მოიპოვებს უმრავლესობას, მაშინ განმეორებითი არჩევნები დაინიშნება.
