საერთაშორისო სავალუტო ფონდი უკრაინაში მუდმივ წარმომადგენლობით მისიას განაახლებს, - ინფორმაციას სსფ-ის მმართველი დირექტორი კრისტალინა გეორგიევა Twitter-ზე აქვეყნებს.

„მოხარული ვარ, რომ შემიძლია კიევში სსფ-ის მუდმივი წარმომადგენლობის მუშაობის ხელახლა გაგრძელების შესახებ გამოვაცხადო, რადგან ამ ნაბიჯით ჩვენ კიდევ უფრო გავაღრმავებთ უკრაინასთან ურთიერთობებს“, - წერს გეორგიევა.

მედიის ინფორმაციით, საერთაშორისო სავალუტო ფონდის გუნდი, უმა რამაკრიშნანის ხელმძღვანელობით, 1-ელ ოქტომბერს ჩავიდა კიევში და შეხვედრები უკრაინის ხელისუფლების წარმომადგენლებთან და სხვა მთავარ პარტნიორებთან დაიწყო.