ოზურგეთში, მდინარე ბჟუჟზე ხიდი დაზიანდა
ოზურგეთში, მდინარ ბჟუჟზე ხიდის მიმდებარე მონაკვეთი ჩავარდა. ხიდი სავარაუდოდ ადიდებულმა მდინარემ დააზიანა.
ტერიტორია ამ წუთისთვის გადაკეტილია და მოძრაობა შეზღუდულია. მგზავრებს შემოვლითი გზით უწევთ სარგებლობა.
ადგილობრივები აცხადებენ, რომ ხიდი დიდი ხანია ავარიულ მდგომარეობაშია.
,,ეს ხიდი ძალიან ავარიული იყო. ახლა წყალმა ძირი გამოუთხარა და ჩავარდა. ხელისუფლებამ თავის დროზე არ მიაქცია ყურადღება და შედეგიც არის. არც არავინ მოსულა ამ დრომდე. ხიდი ყველასთვის მნიშვნელოვანია და როდის მოხდება რეაბილიტაცია, არ ვიცით. ახლა შემოვლითი გზით მოგვიწევს გადაადგილება ", - აცხადებს ერთ-ერთი ადგილობრივი.
