რელიგიის საკითხთა სახელმწიფო სააგენტო დღესასწაულს ულოცავს საქართველოს ეზიდ თემს.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, დღეს ეზიდთათვის განკაცებული ღმერთის, შეიხ ადის ხსოვნის პატივსაცემად, მომლოცველთა საყოველთაო შეკრების დღეები იწყება.

„6-13 ოქტომბერს, ეზიდი თემი ჯამაია შიხადის ზეიმობს. 7 დღის მანძილზე ტარდება ყოველდღიური რიტუალები, მეშვიდე დღეს კი სრულდება რიტუალური ანგელოზთა ცეკვა, რომლის დროსაც მომლოცველები, მათი რწმენით, სულიერად იწმინდებიან“, - აღნიშნულია ინფორმაციაში.