თუ პუტინი უკრაინაში ომს მოიგებს, ის სავარაუდოდ, ძალადობას მომავალშიც მიმართავს, - ამის შესახებ ნატო-ს გენერალურმა მდივანმა იენს სტოლტენბერგმა Welt-თან ინტერვიუში ისაუბრა.

ინტერვიუში იენს სტოლტენბერგმა განაცხადა, რომ იგი მიესალმება გერმანიის გადაწყვეტილებას „პატრიოტის“ ტიპის საჰაერო თავდაცვის სისტემების უკრაინისთვის მიწოდების თაობაზე და ხაზი გაუსვა იმას, რომ რუსეთის უკრაინაში გამარჯვების დაშვება არ შეიძლება.

„მე მესმის შეშფოთება იმის შესახებ, რომ უკრაინის მიმართ ჩვენი მხარდაჭერა ესკალაციის რისკს შეიცავს, მაგრამ ეს რისკი უმნიშვნელოა იმასთან შედარებით, ვიდრე ამ ომში პუტინის გამარჯვება იქნება. თუ პუტინი უკრაინაში ომს მოიგებს, ის სავარაუდოდ, ძალადობას მომავალშიც მიმართავს ", - აღნიშნა იენს სტოლტენბერგმა.