მშვიდობის გარანტია მხოლოდ ისრაელის მიერ პალესტინის ოკუპაციის დასრულებაა, - აღნიშნულის შესახებ ინფორმაციას პალესტინის საგარეო საქმეთა სამინისტრო აქვეყნებს.

პალესტინის საგარეო საქმეთა სამინისტროს განცხადების მიხედვით, ისრაელის მიერ პალესტინის ტერიტორიის ოკუპაციის დასრულება რეგიონში „უსაფრთხოების, სტაბილურობისა და მშვიდობის“ ერთადერთი გარანტიაა.

„ის, რაც უზრუნველყოფს ჩვენს რეგიონში უსაფრთხოების, სტაბილურობისა და მშვიდობის გარანტიას, არის ისრაელის მიერ პალესტინის ოკუპაციის დასრულება და პალესტინელი ხალხის დამოუკიდებლობისა და სუვერენიტეტის უფლების აღიარება“, - აღნიშნულია პალესტინის საგარეო საქმეთა სამინისტროს განცხადების ტექსტში.

„ჩვენ ყველას ვაფრთხილებდით ყოველდღიური პროვოკაციებისა და თავდასხმების შედეგების, ისრაელის საოკუპაციო ძალების მუდმივი ტერორიზმისა და მათ მიერ ალ-აქსას მეჩეთისა და სხვა ქრისტიანული თუ ისლამური წმინდა ადგილების დარბევის შესახებ“, - აცხადებს პალესტინის საგარეო საქმეთა სამინისტრო.