„ჰამასმა“ განაცხადა, რომ ირანის პრეზიდენტმა იბრაჰიმ რაისმა „ჰამასის“ ლიდერთან ისმაილ ჰანიესთან სატელეფონო საუბრისას შეაქო მისი თავდასხმა ისრაელზე. ამის შესახებ ინფორმაციას უცხოური მედია „ჰამასზე“ დაყრდნობით ავრცელებს.

ჰამასის მიერ გავრცელებულ განცხადებაში ნათქვამია, რომ სატელეფონო საუბარში თავის მხრივ, „ჰამასის“ ლიდერმა ირანის პოზიციის მიმართ მადლიერება გამოხატა.

ამასთან, ირანის სახელმწიფო სააგენტო IRNA-მ გაავრცელა ინფორმაცია, რომ რაისი ესაუბრა ჰანიეს, რა დროსაც „ოკუპირებულ მიწებზე არსებული სიტუაცია" განიხილა, სხვა დამატებითი ინფორმაცია სატელეფონო საუბრის შესახებ ირანული მხარისგან არ გავრცელებულა.

მოგვიანებით, საკუთარ განცხადებაში ირანის პრეზიდენტმა რაისმა აღნიშნა, რომ მისი ქვეყანა "მხარდაჭერას უცხადებს პალესტინის ერის ლეგიტიმური თავდაცვის უფლებას" და რომ ისრაელსა და მის მხარდამჭერებს „ეკისრებათ პასუხისმგებლობა რეგიონის ერების უსაფრთხოებასთან დაკავშირებულ საფრთხეებზე”.