პოლონეთმა ისრაელიდან თავისი მოქალაქეების ევაკუაცია დაიწყო, პირველი თვითმფრინავი, რომელშიც დაახლოებით 120 ადამიანი იმყოფებოდა, ვარშავაში დღეს დილით დაეშვა, - ინფორმაციას BBC-ი ავრცელებს.

"ისრაელიდან ევაკუირებული პირველი ადამიანები უკვე პოლონეთში არიან. მსურს მადლობა გადავუხადო [ჩვენს] ჯარისკაცებს ოპერაციის ეფექტურად ჩატარებისთვის. თქვენ საუკეთესოები ხართ", - დაწერა პოლონეთის თავდაცვის მინისტრმა მარიუშ ბლაშჩაკმა სოციალურ ქსელში.

გავრცელებული ინფორმაციით, დღის მეორე ნახევარში, ისრაელიდან პოლონეთში სავარაუდოდ, კიდევ ორი თვითმფრინავი ჩავა. ოპერაციაში სულ მცირე 200 პოლონელი ჯარისკაცი მონაწილეობს.