უნგრულმა ავიაკომპანია Wizz Air-მა განაცხადა, რომ, ისრაელში არსებული ვითარების გამო, თელ-ავივის მიმართულებით ფრენების შეჩერების გადაწყვეტილება მიიღო, - ინფორმაციას Reuters-ი ავრცელებს.

„ვაგრძელებთ სიტუაციის მჭიდრო მონიტორინგს და შესაბამის ორგანოებთან კონტაქტში ვიმყოფებით“, - აცხადებენ კომპანიაში.

ამასთან CNN-ის ინფორმაციით, ავიაკომპანიებს, რომლებმაც ისრაელის მიმართულებით და პირიქით ავიამიმოსვლა შეაჩერეს, რამდენიმე აზიური ავიაკომპანიაც შეუერთდა. კერძოდ, ფრენები შეაჩერა: Korean Air-მა, Air India-მა, Cathay Pacific-მა.

ისრაელში განვითარებული მოვლენების გამო თელ-ავივის მიმართულებით ავიარეისები შეწყვიტეს: United Airlines-მა, American Airlines-მა და Delta Air Lines-მაც.