აშშ-ის მთავრობა ადასტურებს, რომ ისრაელში მისი 9 მოქალაქე დაიღუპა.

„ვუსამძიმრებთ მსხვერპლთა ოჯახებს და დაშავებულებს სწრაფ გამოჯანმრთელებას ვუსურვებთ“, - აღნიშნულია თეთრი სახლის განცხადებაში.

ჯო ბაიდენის ადმინისტრაციაში აცხადებენ, რომ შეერთებული შტატები ყურადღებით აკვირდება ისრაელში მიმდინარე მოვლენებს.

„ყურადღებით ვაკვირდებით სიტუაციას და კონტაქტში ვიმყოფებით ჩვენს ისრაელელ პარტნიორებთან, განსაკუთრებით ადგილობრივ ხელისუფლებასთან“, - აღნიშნულია განცხადებაში.

ამასთან, გამოცემა BBC-ი ოფიციალურ წყაროზე დაყრდნობით იუწყება, რომ „ჰამასის“ მიერ განხორციელებული თავდასხმების შედეგად ისრაელში ბრიტანეთის 10-ზე მეტი მოქალაქე დაღუპული ან დაკარგულია.