ვენეციის კომისიის მოსაზრებით უკრაინის მიერ პრორუსული პარტიების წევრების არჩევნებში მონაწილეობის აკრძალვა ადამიანის უფლებებს ეწინააღმდეგება
უკრაინის მიერ პრორუსული პარტიების წევრების არჩევნებში მონაწილეობის აკრძალვა ადამიანის უფლებებს ეწინააღმდეგება , - ამის შესახებ ვენეციის კომისიის მოსაზრებაშია ნათქვამი იმ კანონპროექტთან დაკავშირებით, რომელიც უკრაინაში პრორუსული პარტიების წევრების პოლიტიკურ ცხოვრებაში მონაწილეობას კრძალავს.
კანონპროექტი, რომლის მიღებაც უკრაინას სურს, ითვალისწინებს, რომ ისინი, ვინც რუსეთის მიერ უკრაინაში ომის დაწყების დროს პრორუსული პარტიების წევრები იყვნენ, საომარი მდგომარეობის დასრულებიდან ათი წლის განმავლობაში უკრაინის ადგილობრივ და საპარლამენტო არჩევნებში მონაწილეობას ვერ მიიღებენ.
ვენეციის კომისიამ მიიჩნია, რომ მიუხედავად იმისა, „თითქმის ყველა დემოკრატიული სისტემა არეგულირებს ისეთი პარტიების საქმიანობას, რომლებიც დემოკრატიული სისტემისთვის საფრთხედ აღიქმებიან“, უკრაინაში მომზადებული კანონპროექტის ვადები ძალიან გრძელია.
შეგახსენებთ, რომ 2022 წლის მაისში უკრაინის პრეზიდენტმა ვოლოდიმირ ზელენსკიმ ხელი მოაწერა კანონს, რომლითაც 11 პრორუსულ პოლიტიკურ პარტიას უკრაინაში საქმიანობა აეკრძალა.
v-if="article.gallery" v-html="article.gallery"
