აშშ-ის, დიდი ბრიტანეთის, საფრანგეთისა და გერმანიის ლიდერები ახლო აღმოსავლეთში შექმნილი სიტუაციის შესახებ ისაუბრებენ, - ამის შესახებ ინფორმაციას გერმანიის კანცლერი ოლაფ შოლცი ავრცელებს.

გერმანიის კანცლერ ოლაფ შოლცის განცხადებით, იგი აპირებს ორშაბათს ღამით საფრანგეთის, დიდი ბრიტანეთისა და აშშ-ის ლიდერებთან, ისრაელზე „ჰამასის“ მოულოდნელი თავდასხმის შედეგად გამოწვეული კრიზისის შესახებ, ისაუბროს.

„აშშ, ბრიტანეთი, საფრანგეთი და გერმანია კრიზისის ირგვლივ გაერთიანებულნი არიან“, - განაცხადა შოლცმა საფრანგეთის პრეზიდენტ ემანუელ მაკრონთან შეხვედრისას, რომელიც გერმანიის ქალაქ ჰამბურგს სტუმრობს.

„არ უნდა დავუშვათ, რომ ეს რეგიონში ხანძრის კერად იქცეს“, - დაამატა მან.