ალეკო ელისაშვილი - ვენეციის კომისიას „ქართული ოცნება“ ეკითხება, ხომ ნამდვილად არაჩვეულებრივი ოთხი ტალღა გვქონდა სასამართლოშიო და ვენეციის კომისიამ უპასუხა - აქ თქვენი გოიმი არავინ არისო

ვენეციის კომისიას „ქართული ოცნება“ ეკითხება, ხომ ნამდვილად არაჩვეულებრივი ოთხი ტალღა გვქონდა სასამართლოშიო და ვენეციის კომისიამ, ყველასთვის გასაგები რომ იყოს, ასე უპასუხა - აქ თქვენი გოიმი არავინ არისო, - ამის შესახებ ჟურნალისტებთან „მოქალაქეების" დეპუტატმა ალეკო ელისაშვილმა სასამართლოს რეფორმაზე ვენეციის კომისიის დასკვნის შეფასებისას განაცხადა.

მისივე თქმით, მურუსიძის სასამართლოში რეფორმების ოთხი ტალღის არავის სჯერა.

„ვენეციის კომისიამ უპასუხა, ამ თქვენი რეფორმებით არავინ გოიმდება და სინამდვილეში თუ გინდათ სასამართლო რაღაცას ჰგავდეს, უნდა გააკეთოთ „ეს, ეს, ესო“. ხოლო მურუსიძის სასამართლოში არავის სჯერა რეფორმების ოთხი ტალღისო. რაც ვიცით, ყველა ხმამაღლა ვსაუბრობთ და რაზეც "ქართული ოცნება" თავს იკატუნებს, ეს გვითხრა ვენეციის კომისიამ. თუ გვინდა რეალურად დამოუკიდებელი სასამართლო კენჭისყრები იუსტიციის უმაღლეს საბჭოს წევრებთან დაკავშირებით ისე არ უნდა ხდებოდეს, როგორც ბოლოს მოხდა. ადეკვატური რეფორმები უნდა გავატაროთ, რაც დაწერილია კიდეც“, - განაცხადა ელისაშვილმა.