ბლანკენბერგში (ბელგია) 6-8 ოქტომბერს გამართულ ევროპის ერთა ლიგის C ჯგუფში საქართველოს ამპუტანტ ფეხბურთელთა ეროვნულმა ნაკრებმა პირველი ადგილი დაიკავა.

საქართველოს ნაკრებმა უკრაინასთან ფრედ - 0:0 ითამაშა, 7 ოქტომბერს საბერძნეთი ანგარიშით 2:0, 6 ოქტომბერს კი ბელგიის ნაკრები ანგარიშით, 5:0 დაამარცხა. ამასთან, ისრაელთან მატჩი ფრედ - 3:3 დაასრულა.

საბოლოოდ, საქართველომ და უკრაინამ 8-8 ქულა დააგროვა, მაგრამ ბურთების უკეთესი სხვაობით (10:3) პირველი ადგილი საქართველოს ნაკრებმა დაიკავა.

ტურნირის ბომბარდირი ლაშა ბრეგვაძე (5 გატანილი ბურთი) გახდა. ტურნირის საუკეთესო ფეხბურთელად კი რუსლან შაჰუმიანი დასახელდა.