ისრაელზე თავდასხმის შედეგად დაღუპული საფრანგეთის მოქალაქეების რიცხვი 4-მდე გაიზარდა
საფრანგეთის ხელისუფლებაში აცხადებენ, რომ ისრაელში მათი კიდევ ორი მოქალაქის დაღუპვა დადასტურდა, რითაც „ჰამასის“ თავდასხმების შედეგად დაღუპული საფრანგეთის მოქალაქეების რაოდენობა ოთხამდე გაიზარდა.
საფრანგეთის ხელისუფლებაში ასევე განმარტავენ, რომ არ აქვთ ინფორმაცია 13 მოქალაქის შესახებ.
„მათთან დაკავშირებული მდგომარეობა ძალიან შემაშფოთებელია, ზოგიერთი მათგანი სავარაუდოდ გაიტაცეს“, - აცხადებენ საფრანგეთის საგარეო საქმეთა სამინისტროში.
ამასთან, პრეზიდენტმა ემანუელ მაკრონმა დაგმო „ჰამასის“ მუქარა გატაცებულ მძევლებთან დაკავშირებით.
„ჰამასის შანტაჟი მისი ტერორისტული აქტების შემდეგ ოდიოზური და მიუღებელია“, - განაცხადა პრეზიდენტმა მაკრონმა.
