Bloomberg - თურქეთი, რუმინეთი და ბულგარეთი ერთობლივი მისიის შექმნას გეგმავენ, რათა შავი ზღვა იმ ნაღმებისგან გაწმინდონ, რომლებიც უკრაინის წინააღმდეგ რუსეთის აგრესიის შედეგად ზღვაში აღმოჩნდა
ნატო-ს სამი სახელმწიფო შავი ზღვის გასანაღმად ერთობლივი მისიის შექმნას გეგმავს, - ამის შესახებ ინფორმაციას Bloomberg-ი ანონიმურ წყაროებზე დაყრდნობით ავრცელებს.
თურქეთი, რუმინეთი და ბულგარეთი ერთობლივი მისიის შექმნას გეგმავენ, რათა შავი ზღვის წყლები იმ ნაღმებისგან გაწმინდონ, რომლებიც უკრაინის წინააღმდეგ რუსეთის აგრესიის შედეგად ზღვაში აღმოჩნდა.
საკითხთან დაკავშირებული ორი⁸ ოფიციალური პირის განცხადებით, სახელმწიფოები ჯერ კიდევ აზუსტებენ დეტალებს, მაგრამ ერთობლივი მისიის შექმნა მომავალ თვეში იქნება შესაძლებელი.
შექმნილი მისია მშვიდობიანი იქნება და ნატო არ აპირებს შავ ზღვაში ახალი ხომალდების გაშვებას.
ერთ-ერთი ოფიციალური პირის განცხადებით, მისიის მიზანია იმის ჩვენება, რომ აღნიშნულ სამ სახელმწიფოს პრობლემების დამოუკიდებლად გადაწყვეტა შეუძლია.
