ანა წითლიძე - ვინ იქნება „ნაციონალური მოძრაობის“ თავმჯდომარე, ამას გადაწყვეტს პარტიის ამომრჩეველი, როცა მოქმედ თავმჯდომარეს უფლებამოსილება ამოეწურება
ვინ იქნება „ნაციონალური მოძრაობის“ თავმჯდომარე, ამას გადაწყვეტს „ნაციონალური მოძრაობის“ ამომრჩეველი, როცა პარტიის მოქმედ თავმჯდომარეს ამოეწურება უფლებამოსილება, - ამის შესახებ „ნაციონალური მოძრაობის“ წევრმა ანა წითლიძემ განაცხადა, რითაც უპასუხა კითხვას, ხომ არ იგეგმება ლევან ხაბეიშვილს შეცვლა პარტიის თავმჯდომარის პოსტზე.
წითლიძის განცხადებით, პროცესები, რაც პარტიაში მიმდინარეობს, ნორმალურია და ნორმალური იქნება ისიც, თუკი პარტიიდან ვინმე წასვლას გადაწყვეტს.
„ნაციონალურ მოძრაობაში“ მიმდინარე პროცესები არის მხოლოდ „ნაციონალური მოძრაობის“ ამომრჩევლის საქმე. „ნაციონალურ მოძრაობაში“ მიმდინარე პროცესებში განსაკუთრებულს ვერაფერს ვხედავ. 11 წლის განმავლობაში ბევრი ასეთი შემთხვევა ყოფილა - დიდი პარტიაა, ცოცხალი ორგანიზმია, ეს პროცესები ნორმალურია და ნორმალურია ისიც, თუ ვინმე გადაწყვეტს არ იყოს „ნაციონალურ მოძრაობაში“. „ნაციონალური მოძრაობა“ ყველა პროცესიდან გამარჯვებული გამოსულა და გამოვა გამარჯვებული,"- განაცხადა წითლიძემ.
v-if="article.gallery" v-html="article.gallery"
