ისრაელი ღაზას წინააღმდეგ ავიაიერიშს განაგრძობს, დაიღუპა კიდევ 51 და დაშავდა 281 პალესტინელი
ღაზაზე ისრაელის მიერ განხორციელებული საჰაერო თავდასხმების შედეგად, ბოლო რამდენიმე საათის განმავლობაში, 51 პალესტინელი დაიღუპა და 281 დაშავდა, -ინფორმაციას პალესტინის ჯანდაცვის სამინისტრო ავრცელებს.
ისრაელის თავდაცვის ძალებმა დღეს დილით გაავრცელა ინფორმაცია, რომ ღაზას სექტორში „ჰამასის“ კუთვნილ ობიექტებზე ფართომასშტაბიან დარტყმებს ახორციელებენ.
ისრაელის ხელისუფლებაში აცხადებენ, რომ ღაზას სექტორზე შეტევა ისრაელზე „ჰამასის“ მიერ შაბათს დაწყებული თავდასხმის საპასუხოდ მიმდინარეობს.
