რატი ბრეგაძე კლინიკიდან გაქცეული პატიმრების საქმეზე - მიმდინარეობს საგამოძიებო მოქმედება - ამჟამად ერთი თანამშრომელია დაკავებული, შესაძლოა, სხვა პირების პასუხისმგებლობაც გამოიკვეთოს

მიმდინარეობს საგამოძიებო მოქმედება, მათ შორის, თანამშრომლების მიმართაც და სამწუხაროდ, ერთი თანამშრომელი არის ამჟამად დაკავებული. ხელი არ უნდა შევუშალოთ გამოძიებას მუშაობაში, იმიტომ, რომ შესაძლოა სხვა პირების პასუხისმგებლობაც გამოიკვეთოს, - ამის შესახებ იუსტიციის მინისტრმა რატი ბრეგაძემ „ავერსის“ კლინიკიდან სამი პატიმრის გაქცევის ფაქტზე მიმდინარე საგამოძიებო პროცესთან დაკავშირებით განაცხადა კითხვაზე, თუ რატომ არ ეკეთათ პატიმრებს ხელბორკილები კლინიკაში.

ამასთან, როგორც მინისტრმა განმარტა, ორი პირი, სამართალდამცველებმა ერთ რეგიონში დააკავეს და ისინი ფაქტობრივად ერთად იყვნენ.

„რაც შეეხება კითხვას, იხდიდნენ თუ არა სასჯელს ერთ პენიტენციურ დაწესებულებაში, დიახ, ისინი იხდიდნენ სასჯელს ერთსა და იმავე პენიტენციურ დაწესებულებაში, მიმდინარეობს გამოძიება. რამდენიმე დღეში დასრულდება საგამოძიებო მოქმედებები და როგორც ჩათვლის საჭიროდ გამოძიება, ისე ვიმოქმედებთ.

ერთ რეგიონში იყვნენ დაპატიმრებულები და იყვნენ ერთად, ფაქტობრივად.

მიმდინარეობს საგამოძიებო მოქმედება მათ შორის თანამშრომლების მიმართაც და სამწუხაროდ, ერთი თანამშრომელი არის ამჟამად დაკავებული. ხელი არ უნდა შევუშალოთ გამოძიებას მუშაობაში, იმიტომ, რომ შესაძლოა სხვა პირების პასუხისმგებლობაც გამოიკვეთოს. თუ გამოვლინდება ხელშემწყობი იქნება ეს თუ სხვა პირი, რა თქმა უნდა, მათ მიმართაც დადგება შესაბამისი პასუხისმგებლობა“, - განაცხადა რატი ბრეგაძემ.

მან ასევე განმარტა, რატომ მოხდა პატიმრების კერძო კლინიკაში გადაყვანა და აღნიშნა, რომ შესაბამისი კვლევების ჩასატარებლად ან იმის გამო, რომ ციხის საავადმყოფოში ადგილი არ არის, პატიმრები სამოქალაქო კლინიკებში გადაჰყავთ.

„ბევრი პატიმარი გადაგვყავს ჩვენ სამოქალაქო კლინიკაში, როდესაც არის ამის საჭიროება. შესაბამისად, როდესაც დადგა თქვენს კითხვაში დასულ მსჯავრდადებულთან გადაყვანის საჭიროება, ის გადაყვანილ იქნა კერძო კლინიკაში, რომელშიც იმყოფება წელიწადზე მეტია. ეს არის ჩვეულებრივად აპრობირებული პრაქტიკა, როდესაც, მაგალითისთვის, ციხის საავადმყოფოში არ იქნება ადგილი ან საჭიროა სხვა უფრო დამატებითი კომპლექსური კვლევების ჩატარება, ჩვეულებრივად გადაგვყავს ჩვენ პატიმრები სამოქალაქო კლინიკებში, განსხვავებით „ნაციონალური მოძრაობის“ პერიოდის მმართველობისგან, რომლის დროსაც სისტემური პრობლემა იყო ადამიანების წამება და მათდამი არაადამიანური მოპყრობა და კლინიკის ნაცვლად, ისინი ჩაჰყავდათ მორგში, აბამდნენ გვამებზე და ასე მკურნალობდნენ“, - განაცხადა რატი ბრეგაძემ.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს