ზურაბ ჭიაბერაშვილი - ევროკავშირში გაწევრიანების პროცესი გულისხმობს, რომ რაც უფრო ახლოს მიდიხარ წევრობასთან, მეტია ვალდებულება, რომელიც ქვეყანამ უნდა დააკმაყოფილოს - ამ პუნქტების შესრულება აუმჯობესებს ქართველი ხალხის მდგომარეობას

ზოგადად ევროკავშირში გაწევრიანების პროცესი გულისხმობს, რომ რაც უფრო ახლოს მიდიხარ წევრობასთან, მით უფრო მეტია ვალდებულება, რომელიც ქვეყანამ უნდა დააკმაყოფილოს, - ამის შესახებ ამის შესახებ „ერთიანი ნაციონალური მოძრაობის“ საგარეო ურთიერთობების მდივანმა, ზურაბ ჭიაბერაშვილმა განაცხადა.

მისივე თქმით, ქვეყანა ევროკავშირისკენ რაც უფრო წინ წავა, დათქმები და პირობები მით უფრო გაიზრდება და ეს ბუნებრივია.

„ზოგადად ევროკავშირში გაწევრიანების პროცესი გულისხმობს, რომ რაც უფრო ახლოს მიდიხარ წევრობასთან, მით უფრო მეტია ვალდებულება, რომელიც ქვეყანამ უნდა დააკმაყოფილოს. იმიტომ, რომ კარგად იცით, უამრავი დირექტივაა, რომელიც ქვეყნის კანონმდებლობის და პრაქტიკის სინქრონიზაციას მოითხოვს. ამიტომ ბუნებრივია დათქმები და პირობები იქნება და მხოლოდ გაიზრდება რაც უფრო წინ წავალთ. მითუმეტეს თუ მოლაპარაკებები გაიხსნა, ამას ჩვენ ვნახავთ უკრაინის და მოლდოვის მაგალითზე. პრობლემა იმაშია, რომ ბატონი ბორელის განცხადებით, როცა საქართველოში იყო, 12-დან მხოლოდ 3 პუნქტი იყო შესრულებული, რაც ყველაზე სავალალოა ჩვენთვის. ჩვენ გვინდა ამ პუნქტების შესრულება არამხოლოდ იმიტომ, რომ გავწევრიანდეთ, არამედ იმიტომ, რომ ამ პუნქტების შესრულება აუმჯობესებს ქართველი ხალხის მდგომარეობას”, - განაცხადა ზურაბ ჭიაბერაშვილმა.

სერგი კაპანაძე - კონფლიქტების თემებზე ჩვენს საზოგადოებაში უნდა არსებობდეს ფართო კონსენსუსი და დიალოგის დაწყებამდე ჩვენ თავად უნდა გვქონდეს განსაზღვრული, რისი მიღწევა გვსურს დიალოგის შედეგად
ქართული პრესის მიმოხილვა 04.12.2023
„ნექსია საქართველოს“ მმართველი პარტნიორი, გელა მღებრიშვილი Nexia-ს ქსელის EMEA-ს ბორდის წევრად აირჩიეს
სილქნეტი და Visa პირველ ერთობლივ აქციას აანონსებენ
გერმანული ტექნოლოგიით წარმოებული „იტონგის“ აირბლოკი, კომუნალური ხარჯების 40%-მდე დაზოგვის საშუალებას იძლევა - ინოვაცია ქართულ ბაზარზე