ფინანსთა სამინისტროს შემოსავლების სამსახურის ხელმძღვანელმა, ლევან კაკავამ საერთაშორისო სავალუტო ფონდის (IMF) ექსპერტთან, თინა თაამთან სამუშაო შეხვედრა გამართა.

შემოსავლების სამსახურის ინფორმაციით, შეხვედრის ფარგლებში, შემოსავლების სამსახურის უფროსმა ხაზი გაუსვა საერთაშორისო სავალუტო ფონდთან პარტნიორობის მნიშვნელობას და იმედი გამოთქვა, რომ საერთაშორისო სავალუტო ფონდის ექსპერტების მიერ შემუშავებული რეკომენდაციები ხელს უწყობს საგადასახადო ადმინისტრაციის შესაძლებლობების განვითარებას.

„ამასთან, საუბარი შეეხო ტექნიკური დახმარების პროექტის ფარგლებში, ადამიანური რესურსების მართვისა და განვითარების მიმართულებით მიღწეულ შედეგებს და მომავალი თანამშრომლობის გაძლიერების პერსპექტივებს.

შეხვედრის დასასრულს, შემოსავლების სამსახურის უფროსმა მადლობა გადაუხადა თინა თაამს თანამშრომლობისთვის და წარმატებები უსურვა დაგეგმილ შეხვედრებში.

საერთაშორისო სავალუტო ფონდის წარმომადგენლის ვიზიტი ორი კვირა გაგრძელდება და ამ დროის განმავლობაში, ის შემოსავლების სამსახურის სხვადასხვა დეპარტამენტის წარმომადგენლებთან სამუშაო ფორმატში შეხვედრებს გამართავს.

უწყებაში გამართულ შეხვედრას, ესწრებოდნენ საერთაშორისო ურთიერთობათა დეპარტამენტის უფროსი სამსონ ურიდია და შემოსავლების სამსახურის უფროსის მრჩეველი თამარ გაბრუაშვილი“, - ნათქვამია ინფორმაციაში.

საქართველოს ეროვნული ბანკი სს „ჰეშისთვის“ საბანკო საქმიანობის ლიცენზიის გაცემასთან დაკავშირებით გაჟღერებულ ბრალდებებს ეხმაურება იმასთან დაკავშირებით, თითქოს ეროვნულმა ბანკმა ლიცენზიის გაცემისას არ შეისწავლა ბანკის დამფუძნებელთა, აქციონერთა და მენეჯმენტის ბიოგრაფიები და ლიცენზია გასცა სანქცირებულ პირებზე.

როგორც სებ-ის განცხადებაშია ნათქვამი, კომპანია „ჰეშზე“ ლიცენზიის გაცემისას, სებ-მა ეროვნული კანონმდებლობისა და საერთაშორისო პრაქტიკის განუხრელი დაცვით იმოქმედა.

„სრული პასუხისმგებლობით ვაცხადებთ, რომ საქართველოს საბანკო სისტემა და საფინანსო სექტორი არის ღია და გამჭვირვალე. ეროვნული ბანკი კი ყოველთვის მოქმედებს ყველა იმ სტანდარტისა და ნორმის მოთხოვნის შესაბამისად, რაც განსაზღვრულია საქართველოს კანონმდებლობითა და საერთაშორისო პრაქტიკით. სებ-ი იყო და მომავალშიც დარჩება საზედამხედველო ორგანოდ, რომელიც ერთი მხრივ, უზრუნველყოფს საქართველოს ფინანსური სისტემის მდგრადობას და იმავდროულად, საფინანსო სექტორს არ მისცემს საერთაშორისო სანქციებისთვის თავის არიდების საშუალებას.

კომპანია „ჰეშზე“ ლიცენზიის გაცემის გადაწყვეტილების მიღებისას, საქართველოს ეროვნულმა ბანკმა, კომპანიის ორივე დამფუძნებელთან - სულხან პაპაშვილთან და ვოლოდიმირ ნოსოვთან - დაკავშირებით ეროვნული კანონმდებლობისა და საერთაშორისო პრაქტიკის განუხრელი დაცვით იმოქმედა. მათ შორის, ლიცენზირებისთვის წარმოდგენილი დოკუმენტაციის კანონთან ფორმალური და ფაქტობრივი შესაბამისობის ნაწილში და მიიღო ერთადერთი კანონიერი და დასაბუთებული გადაწყვეტილება. ამასთან, ლიცენზიის გაცემა მოხდა მას შემდეგ, რაც სს "ჰეშის" მენეჯმენტის მხრიდან ყველა მოთხოვნილი დოკუმენტაცია სრულყოფილად იქნა წარმოდგენილი დადგენილ ვადებში.

ასევე უნდა აღინიშნოს, რომ ვოლოდიმირ ნოსოვის საკუთრებაში არსებული კომპანია WhiteBIT-ი ფლობს VASP-ის ლიცენზიას ევროკავშირის სხვადასხვა ქვეყანაში. მათ შორის, ესპანეთსა და ლიეტუვაში. უკრაინაში საომარი მოქმედებების დაწყების შემდეგ კი WhiteBIT-მა დატოვა რუსეთის ბაზარი.

ამასთან, ხაზი უნდა გაესვას, რომ "ჰეშ ბანკის" არცერთ დამფუძნებელზე არ არის გაცემული საერთაშორისო ფინანსური სანქცია, რომელსაც საქართველოა მიერთებული. ეს ეხება აშშ-ის, ევროკავშირისა და დიდი ბრიტანეთის სანქციებს.

შეგახსენებთ, რომ სს "ჰეში" საბანკო ლიცენზიის მიღებიდან 7 თვის მანძილზე მხოლოდ სატესტო რეჟიმში იმუშავებს და რეალურ გარემოში საბანკო საქმიანობის განხორციელება შეზღუდული ექნება. ბანკი მიზნად ისახავს ციფრულ სტრატეგიაზე გადასასვლელად განაწყოს ბაზრის როგორც ტრადიციული, ასევე ტექნოლოგიებზე ორიენტირებული მომხმარებელი.

ზოგადად, არსებული პრაქტიკით, ციფრული ბანკის ლიცენზიები თანდართული პირობებით გაიცემა, რომელიც მნიშვნელოვნად ამცირებს დეპოზიტარების დაზარალების რისკებს. თუკი ბანკის მნიშვნელოვანი წილის მფლობელ მესაკუთრეებთან მიმართებაში ფაქტობრივი მოცემულობა შეიცვლება, სებ-ი ტრადიციულად იმოქმედებს მოქმედი კანონმდებლობის ფარგლებში. შესაბამისად, ბანკის დეპოზიტარებსა და ფინანსურ სტაბილურობას რისკები არ შეექმნება.

ასევე, როგორც ცნობილია, საწყის ეტაპზე ე.წ. ციფრული ბანკები დროის რეალურ გარემოში ოპერირებას იწყებენ ლიცენზიის გაცემიდან მხოლოდ რამდენიმე თვის შემდეგ, რაც დამატებითი დროა სებ-ისთვის პროცესებზე დასაკვირვებლად“,- ნათქვამია განცხადებაში.