მადრიდში ესპანეთის პრემიერ-მინისტრის თანამდებობაზე პედრო სანჩესის კანდიდატურას აპროტესტებენ. ამის შესახებ ინფორმაციას El Pais-ი ავრცელებს.

მადრიდში, დეპუტატთა კონგრესის შენობასთან, საპროტესტო აქცია მიმდინარეობს, რომლის მონაწილეები პრემიერ-მინისტრის თანამდებობაზე პედრო სანჩესის კანდიდატურას და კატალონიელი სეპარატისტებისთვის ამნისტიის კანონის მიღებას ეწინააღმდეგებიან.

ამ წუთებში პედრო სანჩესი პარლამენტში სიტყვით გამოდის, ხოლო პოლიციამ ქუჩა გადაკეტა, რადგან პარლამენტის წინ მომიტინგეები არიან შეკრებილნი.

შეგახსენებთ, რომ პედრო სანჩესი კატალონიის სეპარატისულ პარტიებთან შეთახმების შემდეგ პარლამენტში აბსოლუტური უმრავლესობისთვის საჭირო ხმების რაოდენობის მიღებას შეძლებს.

რაც შეეხება, ამნისტიის კანონს, იგი კატალონიის დამოუკიდებლობის 300-ზე მეტ მხარდამჭერსა და 73 პოლიციელს, რომლებსაც ბრალი ძალაუფლების გადამეტებაში ედებათ, ჩადენილი დანაშაულებისგან ათავისუფლებს.