რუსეთისთვის უკრაინის ნატო-ში “ნაწილობრივი” გაწევრიანებაც მიუღებელია. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.

აღნიშნული განცხადება ზახაროვამ ნატო-ს ყოფილი გენერალური მდივნის ანდერ ფოგ რასმუსენის წინადადების კომენტირებისას გააკეთა, რომელმაც უკრაინის ნატოში “ნაწილობრივი წევრობის” იდეა გააჟღერა.

“ჩვენ ყოველთვის ვხსნით უკრაინის ნატო-ში გაწევრიანების შესახებ ჩვენს პოზიციას… ნაწილობრივ ან რამე ნაწილების გარეშე, ნებისმიერ ფორმაში, უკრაინის ატლანტიკურ ბლოკში გაწევრიანება რუსეთისთვის მიუღებელია,” - განაცხადა ზახაროვამ. ცნობისთვის, ნატო-ს ყოფილი გენერალური მდივანი ანდერს ფოგ რასმუსენი უკრაინის ალიანსში გაწევრიანების იდეაით გამოვიდა, მაგრამ ისე, რომ ჩრდილოატლანტიკური ალიანსის ხელშეკრულების მე-5 მუხლი რუსეთის მიერ ოკუპირებულ ტერიტორიებზე არ ვრცელდებოდეს.