გერმანიის პოლიციამ რამდენიმე ისლამისტურ ორგანიზაციაში ჩხრეკა ჩაატარა, - ამის შესახებ ინფორმაციას სააგენტო AFP-ი ავრცელებს.
შინაგან საქმეთა სამინისტროს განცხადებით, ჩხრეკა ჩატარდა იმ ობიექტებში, რომლებიც ჰამბურგის ისლამურ ცენტრთან არიან დაკავშირებულნი და ბრალად „ჰეზბოლას“ მხარდაჭერა ედებათ.
„ახლა ის დროა, როცა მკაცრი მიდგომებისთვის განსაკუთრებულ მზადყოფნაში უნდა ვიყოთ. სწორედ ამიტომ, ჩვენ ყველა გონივრულ ეჭვს სერიოზულად ვეკიდებით“, - განაცხადა გერმანიის შინაგან საქმეთა მინისტრმა, ნენსი ფეზერმა.
მედიის ცნობით, გერმანიის პოლიციამ ჩხრეკა 54 ლოკაციაზე, ქვეყნის შვიდ ფედერალურ მხარეში ჩაატარა.
