ისრაელის პრემიერ-მინისტრის, ბენიამინ ნეთანიაჰუს განცხადებით, არსებობდა "ძლიერი მინიშნებები", რომ „ჰამასის“ მიერ გატაცებული მძევლები ღაზას ალ-შიფას საავადმყოფოში იმყოფებოდნენ.

„ეს იყო ერთ-ერთი მიზეზი, რის გამოც საავადმყოფოში შევედით", - განაცხადა ნეთანიაჰუმ CBS-თან ინტერვიუში.

მისი მტკიცებით, როდესაც ისრაელის ჯარები საავადმყოფოში შევიდნენ, იქ მძევლები აღარ იყვნენ. „ისინი რომ იქ ყოფილიყვნენ, გამოიყვანდნენ”, - აცხადებს ნეთანიაჰუ.

შეგახსენებთ, ისრაელმა არაერთხელ დაადანაშაულა „ჰამასი“, რომ ალ-შიფას საავადმყოფოს ქვეშ ბაზა აქვს განთავსებული, რასაც დაჯგუფება უარყოფს.