დასავლეთ სანაპიროს ქალაქ ჯენინში ისრაელის თავდაცვის ძალების ჯარისკაცებსა და პალესტინელებს შორის მომხდარ შეტაკებას ორი პალესტინელი ემსხვერპლა, - ინფორმაციას პალესტინური მედია ავრცელებს.

მათივე ინფორმაციით, ისრაელის თავდაცვის ძალებმა ჯენინში რამდენიმე ადამიანი დააკავეს.

ამასთან, BBC-ის ცნობით, ისრაელი ქალაქ ჯენინში რეიდს ახორციელებს. მედიის მიერ გავრცელებულ კადრებში ჩანან ადამიანები, რომლებიც ქალაქის ქუჩებში დარბიან და ისმის სროლის ხმა. კადრებში ასევე ჩანს ისრაელის ტანკი, რომელიც ქალაქის ქუჩებში გადაადგილდება.