გერმანიის კანცლერის, ოლაფ შოლცის განცხადებით, ბერლინი იცავს პოზიციას, რომ ისრაელს უფლება აქვს ქვეყნის წინაშე წარმოქმნილი საფრთხეებისგან თავი დაიცვას და „ჰამასი“ გაანადგუროს.
„ჩვენი პოზიცია იმაში მდგომარეობს, რომ ისრაელს, ასევე, უნდა ჰქონდეს უფლება დაამარცხოს „ჰამასი“ და ხელი შეუშალოს მას ტერორისტული აქტების განხორციელებაში“, - განაცხადა შოლცმა.
მისი თქმით, გერმანია საომარ მოქმედებებში ჰუმანიტარული პაუზის გამოცხადების მომხრეა, მაგრამ არ ითხოვს ცეცხლის მუდმივ შეწყვეტას, რადგან „ისრაელს უნდა ჰქონდეს შესაძლებლობა, რომ დაამარცხოს „ჰამასი“.
