თავდაცვის სამინისტროს სსიპ კიბერუსაფრთხოების ბიურომ NATO-ს კიბერსწავლებაში - „Cyber Coalition 2023“ მონაწილეობა მიიღო
საქართველოს თავდაცვის სამინისტროს სსიპ კიბერუსაფრთხოების ბიურომ NATO-ს კიბერსწავლებაში - „Cyber Coalition 2023“ მონაწილეობა მიიღო. ინფორმაციას თავდაცვის სამინისტრო ავრცელებს.
უწყების ცნობით, NATO-ს ერთ-ერთი ყველაზე მასშტაბური კიბერთავდაცვითი სწავლება ესტონეთის დედაქალაქ ტალინში მიმდინარეობდა.
„აღსანიშნავია, რომ ღონისძიებაში სსიპ კიბერუსაფრთხოების ბიურო ციფრული მმართველობის სააგენტოსა და ოპერატიულ-ტექნიკური სააგენტოს წარმომადგენლებთან ერთად მონაწილეობდა.
კიბერსწავლების მიზანს კიბერსივრცეში NATO-ს მოკავშირე და პარტნიორ ქვეყნებს შორის თანამშრომლობის გაფართოება, კიბერინციდენტების მართვისა და ინფორმაციის გაცვლის მექანიზმების გაუმჯობესება წარმოადგენდა. სწავლებაში მონაწილეობა NATO-ს, ევროკავშირის და პარტნიორი ქვეყნების ათასზე მეტმა წარმომადგენელმა მიიღო,“ - აღნიშნულია ინფორმაციაში.
v-if="article.gallery" v-html="article.gallery"
