მავთულხლართები და უბედურება, რაც ხდება, იმ პოლიტიკის შედეგია, რომელსაც “ნაციონალური მოძრაობა” ატარებდა , - ამის შესახებ “ქართული ოცნების” გენერალურმა მდივანმა, დედაქალაქის მერმა კახა კალაძემ ჟურნალისტებს განუცხადა, რითაც გამოეხმაურა მედიაში გავრცელებულ ინფორმაციას, რომ სოფელ ციგრიანის მისადგომებთან რუსმა ჯარისკაცებმა საოკუპაციო ბანერი აღმართეს.

მისი თქმით, “საქართველოს ხელისუფლება ყველაფერს აკეთებს, რაც შესაძლებელია”.

“ხელისუფლება ყველაფერს აკეთებს საერთაშორისო მეგობრების ჩართულობით, რაც შესაძლებელია. მავთულხლართები და უბედურება, რაც ხდება, იმ პოლიტიკის შედეგია, რომელსაც “ნაციონალური მოძრაობა” ატარებდა და იმ უბედურების, რაც 2008 წელს მივიღეთ. თუმცა საქართველოს ხელისუფლება ყველაფერს აკეთებს საერთაშორისო პარტნიორებთან ერთად”,- განაცხადა კალაძემ.

ცნობისთვის, მედიაში გავრცელდა ინფორმაცია, რომლის თანახმად, სოფელ ციგრიანის მისადგომებთან რუსმა ჯარისკაცებმა ე.წ. გამყოფ ხაზთან საოკუპაციო ბანერი აღმართეს.