ისრაელის მიერ ლიბანის შეიარაღებული ძალების წინააღმდეგ განხორციელებული თავდასხმების გამო თეთრი სახლი ღრმად შეშფოთებულია. ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

„ლიბანის შეიარაღებულ ძალებზე განხორციელებული თავდასხმები ღრმად შემაშფოთებელია, რადგან ისინი ამ კონფლიქტის ნაწილს არ წარმოადგენენ“, - განაცხადა ჯონ კირბიმ.

ჯონ კირბიმ აღნიშნა, რომ აშშ-ს ღაზაში „ჰამასის“ წინააღმდეგ მიმდინარე ომის სხვა ტერიტორიებზე გავრცელება არ სურს.

CNN-ის ცნობით, 7 ოქტომბრის შემდეგ, ისრაელის თავდაცვის ძალებმა ლიბანის შეიარაღებულ ძალებზე იერიში 34-ჯერ მიიტანა.