რუსეთის ჯარებმა ბელგოროდში კიევის რეჟიმის მიერ განხორციელებულ ტერაქტს ხარკოვში გადაწყვეტილების მიმღებ ცენტრებსა და სამხედრო ობიექტებზე დარტყმით უპასუხეს , - ამის შესახებ რუსეთის თავდაცვის სამინისტრომ განაცხადა.

„ამ ტერორისტული აქტის საპასუხოდ, რუსეთის ფედერაციის შეიარაღებულმა ძალებმა ქალაქ ხარკოვში გადაწყვეტილების მიღების ცენტრებსა და სამხედრო ობიექტებს დაარტყეს, რომელსაც კიევის კრიმინალური რეჟიმი იყენებდა“, - ნათქვამია განცხადებაში.

შეგახსენებთ, გუშინ, რუსეთის თავდაცვის სამინისტრომ გაავრცელა ინფორმაცია, რომ უკრაინის შეიარაღებულმა ძალებმა ქალაქი ბელგოროდი დაბომბა. ბოლო მონაცემებით, დაბომბვის შედეგად დაიღუპა 24 და დაშავდა 100-ზე მეტი ადამიანი. ამასთან, რუსულმა ძალებმა გუშინ საღამოს და გამთენიისას უკრაინის ქალაქი ხარკოვი რამდენჯერმე დაბომბეს, თავდასხმების შედეგად დაზიანდა შენობები ქალაქის ცენტრში და განადგურდა წყალმომარაგების ქსელები. არიან დაშავებულები, მათ შორის ბრიტანელი ჟურნალისტი.