რუსული ძალები უკრაინას წუხელ Shahed-ის 35 დრონით დაესხნენ თავს, უკრაინის თავდაცვის ძალებმა და საშუალებებმა ყველა მათგანი ჩამოაგდეს, - ინფორმაციას უკრაინული მედია ქვეყნის თავდაცვის ძალების საჰაერო ძალებზე დაყრდნობით ავრცელებს.
მათივე ინფორმაციით, საოკუპაციო ძალებმა დრონები დროებით ოკუპირებული ყირიმიდან და რუსეთის პრიმორსკო-ახტარსკის რაიონიდან გაუშვეს.
შეგახსენებთ, მანამდე ცნობილი გახდა, რომ ჩამოგდებული დრონების ნამსხვრევებმა კიევსა და მიკოლაივში ხანძრები გამოიწვია. არსებული ინფორმაციით, არავინ დაღუპულა ან დაშავებულა.
