ბათუმისა და ლაზეთის მიტროპოლიტი მეუფე დიმიტრი, ქრისტეშობის სადღესასწაულო წირვა-ლოცვას ბათუმის ღვთისმშობლის შობის საკათედრო ტაძარში აღავლენს.

საშობაო ლიტურგიას აჭარის მთავრობის წარმომადგენლები, სასულიერო პირები და მრევლი ესწრება.

აღსანიშნავია, რომ საშობაო დღესასწაულის აღნიშვნამდე მომლოცველები 40-დღიან მარხვაში იმყოფებიან.

ქრისტე შობის დღესასწაულთან დაკავშირებით, საზეიმო წირვა-ლოცვა აჭარის ყველა მოქმედ ტაძარში მიმდინარეობს.

7 იანვარს, 12:00 საათიდან, ალილოს მსვლელობა ბათუმსა და ქობულეთში გაიმართება. მომლოცველები მსვლელობას საკათედრო ტაძრის ეზოდან დაიწყებენ.