მეთიუ მილერი - გვატემალის ყოფილ პრეზიდენტს, ალეხანდო ჯიამატეის აშშ-ში შესვლა აეკრძალა
გვატემალის ყოფილ პრეზიდენტს, ალეხანდო ჯიამატეის აშშ-ში შესვლა აეკრძალა, - ამის შესახებ ინფორმაციას აშშ-ის სახელმწიფო დეპარტამენტის პრესსპიკერი, მეთიუ მილერი ავრცელებს.
„სახელმწიფო დეპარტამენტს სანდო ინფორმაცია აქვს, რომლის მიხედვით ჯიამატეიმ გვატემალის პრეზიდენტობისას საჯარო საქმიანობის შესრულების სანაცვლოდ ქრთამი აიღო, რომელიც კანონის უზენაესობასა და მთავრობის გამჭვირვალობას ზიანს აყენებს“, - განაცხადა მეთიუ მილერმა.
ორშაბათს, გვატემალის პრეზიდენტის თანამდებობაზე, ალეხანდრო ჯიამატეი ბერნარდო არევალომ შეცვალა, რომელმაც არჩევნები ანტიკორუფციული კამპანიის ჩატარებით მოიგო.
„პრეზიდენტ არევალოს მთავრობა აშშ-ის მთავრობის გადაწყვეტილებებსა და კრიტერიუმებს, რომლითაც იგი გვატემალის მოქალაქეების აშშ-ში შესვლის შესაბამისობას განიხილავს, პატივს სცემს“, - აღნიშნა აშშ-ის სახელმწიფო დეპარტამენტის პრესსპიკერმა.
ბოლო დროს, ჯო ბაიდენის ადმინისტრაცია ჯიამატეის ხშირად აკრიტიკებდა, რადგან გვატემალელი პროკურორები ახლადარჩეული პრეზიდენტის, ბერნარდო არევალოს ინაუგურაციის გადადებას ცდილობდნენ.
v-if="article.gallery" v-html="article.gallery"
