ევროპელებმა მნიშვნელოვნად უნდა გააფართოონ უკრაინის მხარდაჭერა. ამის შესახებ გერმანიის კანცლერმა ოლაფ შოლცმა გამოცემა Die Zeit-თან ინტერვიუში განაცხადა.
“ევროპამ მეტი უნდა გააკეთოს უკრაინისთვის თავდაცვაში დასახმარებლად…
სახსრები, რომლებიც ევროპულმა ქვეყნებმა 2024 წლისთვის გამოყვეს, ჯერჯერობით არასაკმარისად დიდია”, - განაცხადა შოლცმა.
გერმანიის კანცლერი იმის განხილვის მოწოდებით გამოვიდა თუ როგორ შეუძლია ყოველ ქვეყანას კიევის “დახმარების მნიშვნელოვნად გაფართოება”.
მან ასევე აღნიშნა, რომ “საკმაოდ გაღიზიანებულია” იმით, რომ გერმანიას მუდამ აკრიტიკებენ არასაკმარისი ძალისხმევისთვის, მაშინ როდესაც ბერლინი უკვე “მეტს აკეთებს, ვიდრე ევროკავშირის ყველა სხვა ქვეყანა, გაცილებით მეტს”.
მან აღნიშნა, რომ უკრაინაში ევროპული იარაღის მიწოდებების ნახევარზე მეტი გერმანიაზე მოდის, და “ქედმაღლობა [იქნებოდა] გვეფიქრა, რომ გრძელვადიან პერსპექტივაში ამის გაკეთება მარტო შეგვიძლია”.
