„საქართველოს ბანკის“ დასაქმების პროგრამა „ლიდერატორის“ შესახებ სტუდენტებთან შეხვედრა გაიმართა
„საქართველოს ბანკის“ დასაქმების ყოველწლიური პროგრამა - ლიდერატორი იწყება. ახალგაზრდებისთვის პროექტის უკეთ გასაცნობად და მიმართულებების შესახებ დეტალური ინფორმაციის მისაწოდებლად სტუდენტებთან შეხვედრა გაიმართა. ამის შესახებ ინფორმაციას „საქართველოს ბანკი“ ავრცელებს.
როგორც ინფორმაციაშია აღნიშნული, ღონისძიებაზე „საქართველოს ბანკის“ მენეჯმენტის წარმომადგენლებმა პროგრამის ფარგლებში სტუდენტებისთვის შექმნილი შესაძლებლობების, ბენეფიტების და მომავალი პერსპექტივების შესახებ ისაუბრეს. ლიდერატორის მონაწილეებმა კი პროგრამით დაინტერესებულ სტუდენტებს მიღებული გამოცდილება და განაცხადების წარმატებულად შესავსებად საჭირო რჩევები გაუზიარეს.
ლიდერატორის პროგრამაზე მიღება უკვე დაიწყო. წელს სტუდენტებს შესაძლებლობა ექნებათ სასურველი სფერო 14 პროგრამიდან შეარჩიონ, რომელიც 40 მიმართულებას აერთიანებს. პროგრამაში მონაწილეობისთვის საჭირო პროცედურებისა და მოთხოვნების შესახებ დეტალური ინფორმაციის მისაღებად ეწვიეთ ვებგვერდს: leaderator.bog.ge
პროგრამაში მონაწილეობის მიღება ბაკალავრის საფეხურის მე-3, მე-4 კურსის სტუდენტებსა და ახალ კურსდამთავრებულებს შეუძლიათ.
ლიდერატორის ფარგლებში, ახალგაზრდები გაივლიან პრაქტიკულ ტრენინგებს, სფეროს პროფესიონალების დახმარებით დააგროვებენ სასურველი მიმართულებით მუშაობის გამოცდილებას, მიიღებენ მენტორებისგან მუდმივ უკუკავშირს, შეიძენენ ახალ კონტაქტებს და განივითარებენ სასურველი პროფესიისთვის საჭირო უნარებს.
პროგრამის ფარგლებში სტუდენტებს აქვთ შესაძლებლობა როტაციით გაეცნონ სხვადასხვა დეპარტამენტის საქმიანობის სპეციფიკას, შეიძინონ პროფესიული უნარები, რაც მათ დაეხმარება, სწორად განსაზღვრონ კარიერული ინტერესები და აირჩიონ მომავალი პროფესია.
აღსანიშნავია ისიც, რომ პროგრამის ფარგლებში, სამუშაო გრაფიკის დაგეგმვა თითოეული ლიდერატორისთვის ინდივიდუალურად, მათი აკადემიური განრიგის გათვალისწინებით ხდება. ამასთან, პროექტის წარმატებულ კურსდამთავრებულებს შესაძლებლობა ექნებათ, შესაბამისი ვაკანსიის არსებობის შემთხვევაში, კარიერა „საქართველოს ბანკში“ განაგრძონ.
„საქართველოს ბანკში“ გვჯერა ახალგაზრდების და მათი შესაძლებლობების. ამიტომ, ჩვენი ინიციატივები მათი პოტენციალის სრულად გამოვლენის ხელშეწყობას ისახავს მიზნად. ამ მიზნით, 2017 წლიდან ჩვენ ლიდერატორის პროგრამას ვახორციელებთ, რომელიც შესაძლებლობას აძლევს ახალგაზრდებს, მაღალი აკადემიური მოსწრების შენარჩუნების პარალელურად, იმუშაონ დარგის ექსპერტებთან ერთად, დააგროვონ სამუშაო გამოცდილება და განვითარდნენ როგორც კარიერულად, ასევე პიროვნულად. ლიდერატორის პროგრამა 2017 წლიდან ხორციელდება, მასში მონაწილეობა 400-მდე სტუდენტმა მიიღო, პროგრამის დასრულების შემდეგ კი 85%-მა ჩვენთან განაგრძო თანამშრომლობა. ყოველწლიურად პროგრამის მიმართ ინტერესი იზრდება, რაც ხაზგასმით გვაჩვენებს, რომ სწორი მიმართულებით მივდივართ და გვაძლევს მოტივაციას, არ გავჩერდეთ“, - აღნიშნა ადამიანური კაპიტალის, თანამშრომელთა კმაყოფილების, ბიზნეს პროცესების ეფექტურობისა და ლინის ტრანსფორმაციის მიმართულების ხელმძღვანელმა, ელენე ოქრომჭედლიშვილი.
v-if="article.gallery" v-html="article.gallery"
