ქართველ ხალხს პოლიტიკური „კარუსელი“ ივანიშვილის კარზე არ აინტერესებს, მათ ღირსეული მაღალანაზღაურებადი სამსახური აინტერესებთ, დაიღალა ივანიშვილის ხრიკებით, პოლიტიკური მასკარადებით, მანიპულაციებით და 2024 წლის არჩევნების შემდეგ აუცილებლად გათავისუფლდება, - ამის შესახებ „ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა სამთავრობო ცვლილებებთან დაკავშირებით განაცხადა.

მისივე თქმით, ქართველ ხალხს სჭირდება და აინტერესებს მაღალანაზღაურებადი ღირსეული სამუშაო ადგილები, ღირსეული პენსია, ღირსეული ცხოვრების პირობები და გარემო, რასაც „ქართული ოცნება“ ვერ სთავაზობს.

„პოლიტიკური "კარუსელი" ივანიშვილის კარზე, სადაც ადამიანები არ იცვლებიან და ერთი და იმავე ადამიანები სხვადასხვა ადგილს იკავებენ, ქართველ ხალხს საერთოდ არ აინტერესებს, ქართველ ხალხს სჭირდება და აინტერესებს მაღალანაზღაურებადი ღირსეული სამუშაო ადგილები, სჭირდება ღირსეული პენსია, ღირსეული ცხოვრების პირობები და გარემო, რასაც „ქართული ოცნება“ ვერ სთავაზობს და მუდმივად სთავაზობს ივანიშვილის პოლიტიკურ მასკარადებს და პოლიტიკურ მანიპულაციებს, ხრიკებს, რომლითაც ქართველი ხალხი დაიღალა და აუცილებლად გათავისუფლდება 2024 წლის არჩევნების შემდეგ“, - განაცხადა ირაკლი ფავლენიშვილმა, რომლის კომენტარს „ნაციონალური მოძრაობა“ ავრცელებს.