დიმიტრი პესკოვი - აშშ-ის მიერ უკრაინის მომარაგება „სპეციალური სამხედრო ოპერაციის“ მიმდინარეობაზე გავლენას არ მოახდენს

აშშ-ის მიერ უკრაინის მომარაგება „სპეციალური სამხედრო ოპერაციის“ მიმდინარეობაზე გავლენას არ მოახდენს, - ამის შესახებ კრემლის პრესსპიკერმა, დიმიტრი პესკოვმა განაცხადა.

„რაც შეეხება სიურპრიზებს, დიახ, ამერიკის შეერთებული შტატები, როგორც ამ კონფლიქტში უშუალო მონაწილე, ინარჩუნებს და ზრდის პირდაპირ ჩართულობას, კიევის რეჟიმის ომის გაგრძელებისკენ პროვოცირებას ახდენს, მაგრამ ეს სპეციალური სამხედრო ოპერაციის მიმდინარეობასა და შედეგზე ვერანაირად ვერ იმოქმედებს. ყველა მიზანი შესრულდება“, - განაცხადა პესკოვმა.

პესკოვმა აღნიშნა, რომ ამერიკელები უკრაინელებს უფრო მეტ ტკივილს აყენებენ და ამერიკელების გამო უფრო მეტი უკრაინელი კვდება.