გერმანიის კანცლერი, ოლაფ შოლცი აცხადებს, რომ ბუნდესვერის ოფიცრების საუბრის ჩანაწერის გაჟონვასთან დაკავშირებით გამოძიება მიმდინარეობს.
„ის, რაც ვრცელდება, ძალიან სერიოზული საკითხია და ამიტომ გამოძიება ძალიან ფრთხილად, ინტენსიურად და სწრაფად მიმდინარეობს“, - განაცხადა ოლაფ შოლცმა.
გუშინ, რუსეთის პროპაგანდისტული ტელევიზიის, RT-ის მთავარმა რედაქტორმა, მარგარიტა სიმონიანმა გერმანელი მაღალი რანგის ოფიცრების საუბრის აუდიოჩანაწერი გაავრცელა.
გავრცელებულ აუდიოჩანაწერში გერმანელი ოფიცრები უკრაინისთვის Taurus-ის რაკეტების გადაცემას განიხილავენ.
