საქართველოს ტექნიკური უნივერსიტეტი აბიტურიენტებს STEM საგნებში მოსამზადებელ უფასო ონლაინ კურსებზე იწვევს
საქართველოს ტექნიკური უნივერსიტეტი აბიტურიენტებს STEM საგნებში მოსამზადებელ, უფასო ონლაინ კურსებს სთავაზობს იმ მიზნით, რომ ახალგაზრდები ერთიანი ეროვნული გამოცდებისთვის ორი მოდულის მიხედვით - „მათემატიკა + ფიზიკა“ ან „მათემატიკა + ქიმია“ მოამზადოს.
ამის შესახებ ინფორმაციას საქართველოს ტექნიკური უნივერსიტეტი ავრცელებს.
სტუ-ის ცნობით, ონლაინ კურსებში მონაწილეობის მიღება შეუძლიათ საქართველოს სხვადასხვა ქალაქებისა და რეგიონების საჯარო სკოლების დამამთავრებელი (მე-11 და მე-12) კლასის მოსწავლეებს. ასევე, 20 წლის ჩათვლით სკოლადამთავრებულ იმ მოქალაქეებს, რომლებიც არ სწავლობენ უმაღლეს საგანმანათლებლო დაწესებულებებში.
როგორც საქართველოს ტექნიკური უნივერსიტეტის სასწავლო პროცესების მართვის სამსახურის ხელმძღვანელი, ასოცირებული პროფესორი თამარ წერეთელი განმარტავს, აბიტურიენტებისთვის განკუთვნილ ორივე მოდულში წამყვანი საგანი მათემატიკაა, თუმცა მასთან ერთად, საქართველოს ტექნიკური უნივერსიტეტი მსურველებს, თითოეული მოდულით, STEM-ის კიდევ ერთი საგნის, ფიზიკის ან ქიმიის შესწავლის შესაძლებლობას აძლევს. ორი დამატებითი საგნიდან, ერთ-ერთის არჩევა კი აბიტურიენტის პრიორიტეტზეა დამოკიდებული.
სტუ-ის ინფორმაციით, საქართველოს ტექნიკური უნივერსიტეტის უფასო ონლაინ კურსებზე აბიტურიენტთა რეგისტრაცია ვებგვერდზე: https://abiturienti.gtu.ge/ მიმდინარე წლის 16 მარტის ჩათვლით გაგრძელდება, კურსებზე სწავლა კი 20 მარტიდან დაიწყება.
v-if="article.gallery" v-html="article.gallery"
