„საქართველოს ბანკის“ მენეჯმენტში ცვლილებებია. 1-ელი აპრილიდან ბანკის მცირე და საშუალო ბიზნესის მიმართულებას თორნიკე კუპრაშვილი უხელმძღვანელებს. ამის შესახებ ინფორმაციას „საქართველოს ბანკი“ ავრცელებს.

ბანკში ამ მიმართულებას ამ დრომდე ზურაბ მასურაშვილი უძღვებოდა, რომელმაც საერთაშორისო ბიზნესის მიმართულებაში გადაინაცვლა.

„თორნიკე კუპრაშვილი საქართველოს ბანკს წამყვანი კორპორატიული ბანკირის პოზიციაზე 2014 წელს შემოუერთდა. ის ბანკში 10 - წლიანი კარიერის განმავლობაში კორპორაციული კლიენტების მომსახურების დეპარტამენტში სხვადასხვა ხელმძღვანელ თანამდებობას იკავებდა. მათ შორის, ის იყო კორპორატიული რეაბილიტაციის სამსახურისა და კორპორაციული კლიენტების მომსახურების დეპარტამენტის დირექტორი.

საქართველოს ბანკში მოსვლამდე თორნიკე კუპრაშვილი 3 წელი KPMG-ის თბილისის ოფისში მუშაობდა. მას განათლება მიღებული აქვს კავკასიის ბიზნესის სკოლაში და ბაკალავრის ხარისხი მიღებული აქვს ბიზნესის ადმინისტრირებაში”, - აღნიშნულია ინფორმაციაში.