ბენიამინ ნეთანიაჰუ - ტერორისტული არხი „ალ ჯაზირა“ ისრაელიდან მაუწყებლობას ვეღარ შეძლებს - ვაპირებ, საჭირო ზომები სასწრაფოდ მივიღო

ისრაელში „ალ ჯაზირას“ საქმიანობის შესაჩერებლად საჭირო ზომებს სწრაფად მივიღებ, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

დღეს, ისრაელის პარლამენტმა კანონი მიიღო, რომელიც ისრაელის მთავრობას ქვეყანაში მოქმედი უცხოური საინფორმაციო საშუალებების საქმიანობის დროებით შეჩერების უფლებამოსილებას ანიჭებს, თუ მთავრობის წარმომადგენლები ჩათვლიან, რომ ისინი ეროვნულ უსაფრთხოებას საფრთხეს უქმნიან.

„ტერორისტული არხი „ალ ჯაზირა“ ისრაელიდან მაუწყებლობას ვეღარ შეძლებს. ვაპირებ, რომ ახალი კანონის შესაბამისად არხის საქმიანობის შესაჩერებლად საჭირო ზომები სასწრაფოდ მივიღო“, - განაცხადა ბენიამინ ნეთანიაჰუმ.