უძრავი ქონების სექტორის მთავარ გამოფენაზე, „ყველაზე ეფექტური მარკეტინგული კომუნიკაციის“ ნომინაციაში „ტოპლაინის“ გუნდმა გაიმარჯვა. Real Estate Expo 2024 26-28 აპრილს, საგამოფენო ცენტრ ექსპოჯორჯიაში გამართა, რომელშიც ქართული და უცხოური 220-მდე კომპანია მონაწილეობდა.

რეგიონის მთავარ უძრავი ქონების სექტორის გამოფენაზე, ჰოლდინგი „ტოპლაინის“ სტენდთან, სადაც შვილობილი კომპანია T-STUDIO-ც იყო წარმოდგენილი, თითოეულ დამთვალიერებელს სხვადასხვა ტიპის საჩუქრები და გათამაშება დახვდა. „ყველა რჩეულია“ , სწორედ ეს იყო კომპანიის მთავარი გზავნილი, რომლის ფარგლებშიც სტუმრებმა გამორჩეული საჩუქრები მიიღეს. თავის მხრივ კი, „ტოპლაინის“ გუნდი ნომინაციაში „ყველაზე ეფექტური მარკეტინგული კომუნიკაცია“ ლიდერად დასახელდა.

ღონისძიების ფარგლებში, 45 დეველოპერულმა კომპანიამ დამთვალიერებელს უპრეცედენტო ფასდაკლებები, გათამაშებები და განსაკუთრებულ პირობები შესთავაზა. გამოფენის მნიშვნელოვანი სტუმრები იყვნენ სხვადასხვა ქვეყნის (გერმანია, ჩინეთი, დუბაი) საგამოფენო ცენტრის დირექტორები. ასევე, ლატვიის Citadele Bank-ის სტრატეგიული პარტნიორობის (უძრავი ქონების სამმართველო) ხელმძღვანელი, ერთ-ერთი ყველაზე მსხვილი პოლონური სამშენებლო კომპანია - MIRBUD S.A მფლობელი და დირექტორი, Silicon Valley Proptech Association -ის დამფუძნებელი/პრეზიდენტი, (FIABCI) Proptech-ის მსოფლიო საბჭოს,პრეზიდენტი და სხვა.

ცნობისთვის, Real Estate Expo ყოველწლიური მასშტაბური ღონისძიებაა, რომელშიც მონაწილეობას როგორც ადგილობრივი, ისე საერთაშორისო კომპანიები იღებენ. ღონისძიება მიმზიდველია როგორც ბიზნესის წარმომადგენლებისთვის, ისე ინდივიდუალური პირებისთვისაც. გამოფენის მიზანია, რომ მომხმარებლები და დეველოპერული სექტორი უფრო დააახლოოს.

(R)