ევროკავშირი ლიბანის ეკონომიკისა და უსაფრთხოების მხარდასაჭერად 1 მილიარდ ევროს გამოყოფს, - ამის შესახებ ევროკომისიის პრეზიდენტმა, ურსულა ფონ დერ ლაიენმა ბეირუთში, ლიბანის პრემიერ-მინისტრ, ნაჯიბ მიკატისთან და კვიპროსის პრეზიდენტ, ნიკოს ქრისტოდულიდისთან შეხვედრისას განაცხადა.

„მე შემიძლია ლიბანისთვის 1 მილიარდი ევროს ოდენობის ფინანსური პაკეტის გამოყოფის შესახებ გამოვაცხადო. ჩვენ ლიბანის სოციალურ-ეკონომიკურ სტაბილურობაში წვლილის შეტანა გვსურს. ლიბანს პოზიტიური ეკონომიკური განვითარება სჭირდება, რათა ბიზნესი და თავისი მოქალაქეები შესაძლებლობებით უზრუნველყოს“, - განაცხადა ურსულა ფონ დერ ლაიენმა.

ევროკომისიის პრეზიდენტმა აღნიშნა, რომ ფინანსური მხარდაჭერის პაკეტი ლიბანის არმიის, ბიზნეს გარემოს, ჯანდაცვისა და განათლების გაძლიერებასა და განვითარებას ხელს შეუწყობს.