სომხეთის დედაქალაქ ერევანში პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია იმართება.

მედიის ინფორმაციით, აქციის მონაწილეებმა გზების გადაკეტვა დაიწყეს.

გუშინ, სომხეთის სამოციქულო ეკლესიის ტავუშის ეპარქიის წინამძღვარმა, არქიეპისკოპოსმა ბაგრატ გალსტანიანმა, რომელიც ნიკოლ ფაშინიანის გადადგომისა და აზერბაიჯანთან საზღვრის დელიმიტაციის შეწყვეტის მოთხოვნით, მიმდინარე საპროტესტო აქციებს ხელმძღვანელობს, მხარდამჭერებს მოუწოდა, ორშაბათს დილიდან მასობრივი დაუმორჩილებლობის აქციები დაეწყოთ.