საგამოცდო პერიოდში, საგამოცდო ცენტრებამდე მუნიციპალური ავტობუსების დამატებითი მარშრუტები დაინიშნება
თბილისის მერის, კახა კალაძის განცხადებით, შეფასებისა და გამოცდების ეროვნული ცენტრის მიერ დადგენილ საგამოცდო პერიოდში, 3 ივლისიდან აგვისტომდე, საგამოცდო ცენტრებამდე მუნიციპალური ავტობუსების დამატებითი მარშრუტები დაინიშნება.
როგორც მერმა მუნიციპალიტეტის მერიის სხდომაზე აღნიშნა, განსაზღვრულ მარშრუტებზე ავტობუსები მოქალაქეებს 06:00-დან 20:00 საათამდე მოემსახურებიან.
„იმ პირებს, რომელთაც გამოცდების ჩაბარება ან სხვადასხვა საჯარო სკოლაში აბიტურიენტთა მომსახურება უწევთ, ავტობუსები გადაიყვანენ თბილისის N39, N103, N133, N147, N175, N177, N191 და N207 საჯარო სკოლების მიმდებარედ, სადაც განთავსებული იქნება საგამოცდო ცენტრები.
აღნიშნულ დროებით მარშრუტებზე, ავტობუსები მოქალაქეებს სტანდარტული ტარიფით, 06:00-დან 20:00 საათამდე მოემსახურებიან.
დროებით მარშრუტებზე დეტალური ინფორმაცია განთავსდება, როგორც მერიის ვებგვერდზე, ასევე მიეწოდება ინფორმაცია მედიას“, - განაცხადა კალაძემ.
v-if="article.gallery" v-html="article.gallery"
