შავი ზღვის საერთაშორისო უნივერსიტეტის ორმაგი ხარისხის სამაგისტრო პროგრამაზე „მენეჯმენტი და ინფორმაციული ტექნოლოგიები“ რეგისტრაცია დაიწყო

შავი ზღვის საერთაშორისო უნივერსიტეტის ორმაგი ხარისხის სამაგისტრო პროგრამაზე „მენეჯმენტი და ინფორმაციული ტექნოლოგიები“ რეგისტრაცია დაიწყო: https://bit.ly/3L3Gwrc

შავი ზღვის უნივერსიტეტის ინფორმაციით, მსურველებმა სამოტივაციო წერილი 16 აგვისტომდე უნდა გაგზავნონ ელფოსტაზე - tamarmshvidobadze@ibsu.edu.ge და დაელოდონ გასაუბრებას 19-20 აგვისტოს.

სამოტივაციო წერილისა და გასაუბრების შედეგად გამოვლენილ წარმატებულ კანდიდატებს შეუძლიათ მოიპოვონ DAAD-ის და Erasmus-ის სტიპენდიები (რვა სტიპენდია), რაც მათ ერთი სემესტრის განმავლობაში ცვიკაუში ცხოვრების ხარჯს სრულად დაუფარავს.

IBSU-ს სამაგისტრო პროგრამა შეიქმნა საერთაშორისო პარტნიორობის შედეგად ცვიკაუს გამოყენებით მეცნიერებათა უნივერსიტეტთან (გერმანია) და 4 პარტნიორ უნივერსიტეტთან აზიის და სამხრეთ კავკასიის ქვეყნებიდან. პარტნიორი უნივერსიტეტებია: შავი ზღვის საერთაშორისო უნივერსიტეტი (IBSU), ყაზახურ-ამერიკული თავისუფალი უნივერსიტეტი (KAFU), სომხეთის სახელმწიფო ეკონომიკური უნივერსიტეტი (ASUE), ყირგიზულ-გერმანული გამოყენებითი ინფორმატიკის ინსტიტუტი (INAI.KG).

პროგრამის წარმატების დასრულების შემდეგ სტუდენტი იღებს 2 დიპლომს: შავი ზღვის საერთაშორისო უნივერსიტეტიდან (IBSU-საქართველო) და ცვიკაუს გამოყენებით მეცნიერებათა უნივერსიტეტიდან (WHZ-გერმანია).

ვრცლად პროგრამის შესახებ იხილეთ მითითებულ ბმულზე: https://bit.ly/47JPBzw