დონალდ ტრამპი - გაცვლა გამარჯვებაა პუტინისთვის - ჩვენს დროს ეს არ მოხდებოდა, არ მოგვიწევდა მსოფლიოს ერთ-ერთი უდიდესი მკვლელის გათავისუფლება
აშშ-ის ყოფილი პრეზიდენტის დონალდ ტრამპის თქმით, დაკავებულების გაცვლა “გამარჯვებაა პუტინისთვის”. ამის შესახებ
მან ტელეარხ Fox Business-ის ეთერში განაცხადა.
ყოფილი პრეზიდენტის აზრით, დაკავებულების გაცვლა გახდა “გამარჯვება პუტინისთვის და ან ნებისმიერი სხვა ქვეყნისთვის, რომელსაც ჩვენთან აქვს საქმე”.
The Wall Street Journal-ის რეპორტიორის ევან გერშკოვიჩის გათავისუფლების შესახებ საუბრისას ტრამპმა აღნიშნა, რომ რუსეთიდან დაკავებულების დაბრუნება კარგია აშშ-სთვის, მაგრამ განაცხადა, რომ პირობები, რომელთა მეშვეობითაც ეს მოხდა, “ძალიან ცუდია”.
“ჩვენს დროს ეს არ მოხდებოდა. ჩვენ მას [გერშკოვიჩს] დავიბრუნებდით. არაფრის გადახდა არ მოგვიწევდა. არ მოგვიწევდა მსოფლიოს ერთ-ერთი უდიდესი მკვლელის გათავისუფლება, რადგან სწორედ ეს მოხდა, როგორც იცით”, - განაცხადა ტრამპმა.
შეგახსენებთ, ანკარაში რუსეთსა და დასავლეთის ქვეყნებს შორის პატიმრების გაცვლა მოხდა. გათავისუფლებულთა შორისაა ზელიმხან ხანგოშვილის მკვლელობისთვის ბრალდებული ვადიმ კრასიკოვი.
v-if="article.gallery" v-html="article.gallery"
