კატალონიის ყოფილი ლიდერის, კარლეს პუჩდემონის განცხადებით, იგი ბელგიაში იმყოფება.

„უკიდურესად მძიმე დღეების შემდეგ მე ვატერლოოში ვარ“, - წერს პუჩდემონი სოციალურ ქსელში.

შეგახსენებთ, კარლეს პუჩდემონი, რომელიც ესპანეთიდან შვიდი წლის წინ, კატალონიის დამოუკიდებლობის მოთხოვნით ჩატარებული რეფერენდუმის ორგანიზების შემდეგ გაიქცა და რომლის მიმართაც დაპატიმრების ორდერია გაცემული, 8 აგვისტოს ესპანეთში დაბრუნდა და ბარსელონაში ასობით მხარდამჭერის წინაშე სიტყვით გამოვიდა. კატალონიაში მისი გამოჩენის შემდეგ ესპანეთის პოლიციამ მასზე ძებნა გამოაცხადა.