პარლამენტში ინიცირებული კანონპროექტი არამც და არამც არ გულისხმობს იმას, რომ ლგბტ თემის წარმომადგენელთა უფლებები უნდა შეილახოს - მათი უფლებები ნამდვილად 100%-ით უნდა იყოს დაცული, - ამის შესახებ ჟურნალისტებს უმრავლესობის დეპუტატმა ბექა დავითულიანმა განუცხადა.

„რაც შეეხება ამ თემასთან დაკავშირებით ოპოზიციის მოქმედებებს, მათ იციან, რომ არაპოპულარულია პროპაგანდის წინააღმდეგ ხმის არმიცემა - ამიტომ ცდილობენ თავი აარიდონ“, - აღნიშნა დავითულიანმა.

პარლამენტმა ე.წ. ლგბტ პროპაგანდის წინააღმდეგ მომზადებული საკანონმდებლო პაკეტი, 4 სექტემბრის პლენარულ სხდომაზე მეორე მოსმენით განიხილა და მიიღო. მისი მესამე მოსმენით დამტკიცება 17-20 სექტემბრის სასესიო კვირაში იგეგმება.